Buleun molod
Watee bulen molod tanyo meukanduri
Keu pang ulee nabi muhammad rasul ambiya
Ureng geu meudike rayeuk dengon ubet
Tanyoe meuselawet ta sambot bulen mulia
Bak takhen adat ta meupakat lagee jameun
Top pade leukat manok ikat geubri umpen
Genit meu tente ke pang ulee molod geukhen
Oh katroh watee hidang geume payah rayeung
Nyoe jino masa ureng kaya rata sago
Ngon rumoh raya parabola dum ek geublo
Menyo kanduri ngon ie kupi timpan tulo
Ho chit geunak ba atra kana kebit rugo
Sayang anek mit jih kemit sampo oh sepot
Dirumoh ji nit jih tebit jak pajoh molod
Jih duk bak bineh rap temeh wa ulee te`ot
Yang na merumpok pha manok ka lagee baot
Na chit yang ladom o`h teh geujak nibak molod
Ja bak khanduri seulawet hantom geu seot
Duk saboh sago culek gigo lalat geupot
Preh seupot uroe geunak kilo manok teu teut
Bak saboh masa teuka bala jameun dile
Khanduri hana gara gara jeupang kafee
Bek an keu molod gelimbut ngon kulet kayee
Boh ubi teu teut geu gigeut sira poh gete
No comments:
Post a Comment