Dalam hudep donya-IMUM JON

Dalam hudep donya-imum jon

Dalam hudep donya nyata deuh ta kaloen, geutanyoe meutanom dum ngoen dosa

bak sang dalam hudep hana lee teuka mate, meunan lahe dum ta kaloen rupa

ka deuh lam hudep hareum deungoen riba, wareuna hitam puteh bak mata

ka teutoup lam hate tan na le gaseh sayang, dum bala Tuhan han sadar gata

Gaseh sayang Allah gaseh sayang Nabi, tamita dalam hudep kebahagiaan

meunyoe donya meumada keu-syurga, teuntee ‘oeh ka mate azeub nuraka ta rasa

ka deuh lam hudep hareum deungoen riba, wareuna hitam puteh bak mata

ka teutoup lam hate tan na le gaseh sayang, dum bala Tuhan han sadar gata

Nabi Muhammad Rasul yang peujroeh alam, yang jeut keu tauladan ummat manusia

Neu-peuturi hukom keu amalan, bek lam murka Tuhan tan tarasa bahgia

Gaseh sayang Allah gaseh sayang Nabi, ta-mita dalam hudep kebahagiaan

meunye donya meumada keu-syurga, teunte ‘oeh ka mate azeub nuraka ta rasa

Keupue umu panyang meunyo tan ibadah, sang donya luah geutanyoe peuna

keupue tari rupa badan teuh that ceudah, ‘aurat deuh leumah asoe nuraka