dakwah tgk rasruddin bayu lucu

agus fauzi channels

youtube

Malam Jumat jiwoe aruwah

dakwah tgk nasruddin bayu lucu

Malam Jum'at jiwoe aruwah

https://www.youtube.com/channel/UCCfkfFqC_ZWqGdNtQpQHwZQ

POMA NGEN AYAH TEULHE DENGON GURE BAHASA ACEH

POMA NGEN AYAH TEULHE DENGON GURE

Poma ngon ayah teulhee ngon guree
Ureung nyan ban lhee meubak ta dhot-dhot
Meunyo na salah meuah talakee
Peumiyub ulee tacom aneuk teuoet

Watee geutanyoe masa lam kandong
Poma nyang tanggong mandum derita
Saket lam tuboh sampoe lam tuleung
Oh kaseb buleun meutarong nyawa

Bak saboh jamok poma meulet-let
Bak saboh pijet poma meujaga
Dua thon punoh ASI katajeub
Tan pre meu siblet geulake doa

Guna diayah ingat rakan lon
Gop yan yang tanggong lam rumoh tangga
Geujak hareukat di rumoh geu troen
Abek sagoe dum geujak useuha

Ujeun ngon badee lam uro tutong
Ladom meutarong ngon bakat raya
Demi beu eek na keu breuh siaree
Bah tuboh lapee mana geukira

Ureung peuturi tanyo Alah Baa
Ureung peuraba haleu ngon hareum
Ureung peu ija tanyo meubaca
Nyang peu blet mata cara meuhitong

Guna diguree han eek takira
Ayah ngon poma han eek tabileung
Ingat hai aneuk bek roh durhaka
Beuget tajaga sopan ngon santon

SHALAWAT SELESAI PENGAJIAN BAHASA ACEH

SHALAWAT SELESAI PENGAJIAN

Ya Allah diateuh Nabi Muhammad

Neutamah rahmat dan salam

Diateuh wareh bandum sahabat

Serta bandum ummat islam

Neubri keu kamoe iman beuteutap

Dalam ibadat Allah ya Tuhan

Neubri keu kamoe beuroh lam ta’at

Neubri seulamat iman lam badan

Neubri beu matee kamoe lam rahmat

Malam Jum’at buleun Ramadhan

Neubri jeut rateb oh wate seukreut 

Lam kubu beu jeut neubri jawaban

Deungon beureukat nazam seulaweut

Beujroh i’tikeut lam dinul islam

Neubri beuleupah kamoe bak titi

Beusajan Nabi janjongan alam

Neubri kamoe jeb ie kulam Nabi

Neubuka kunci pintoe syuruga

Syuruga lapan neubuka kuunci

Keu ummat nabi yang tem sembahyang

Dalam-dalam syuruga na mon hayati

Budiadari manoe-manoe di dalam

Ban dihayak ok sampoe oh gaki

Ban digasyuk ie syam syum bam bum ban geundram